აშშ-ის პრეზიდენტის ჯოზეფ ბაიდენის ადმინისტრაციამ ჩრდილოეთ კორეის ხელისუფლებასთან დაკავშირება ვერ შეძლო. ამის შესახებ საინფორმაციო სააგენტო Reuters წერს.
თებერვლის თვეში ჯო ბაიდენის ადმინისტრაციამ სხვადასხვა არხის საშუალებით ბევრჯერ სცადა ფხენიანთან დაკავშირება, მაგრამ ჩრდილოეთ კორეის მხრიდან პასუხი არ მიუღია.
გამოცემა აღნიშნავს, რომ აშშ-ის წინა პრეზიდენტის დონალდ ტრამპის მცდელობები, დაერწმუნებინა ფხენიანი ბირთვულ პროგრამაზე უარი ეთქვა, წარუმატებელი აღმოჩნდა.
ბაიდენის ადმინისტრაციის სპიკერმა აღნიშნა, რომ შეერთებულ შტატებსა და ჩრდილოეთ კორეას შორის აქტიური დიალოგი უკვე ერთი წელია არ ყოფილა.
