სომხეთმა ბაქო-თბილისი-ჯეიჰანის მილსადენი კასეტური ტიპის რაკეტებით დაბომბ, - ამის შესახებ აზერბაიჯანის პრეზიდენტის თანაშემწემ და პრეზიდენტის ადმინისტრაციაში საგარეო ურთიერთობათა ხელმძღვანელიმა, ჰიქმეთ ჰაჯიევმა განაცხადა.
მისი თქმით, რაკეტები ევლახის რაიონში ბაქო-თბილისი-ჯეიჰანის მილსადენიდან 10 მეტრში ჩამოვარდა.
"მიმდებარე ტერიტორიაზე კასეტური რაკეტების 300-ზე მეტი ფრაგმენტია მიმოფანტული",- განაცხადა ჰაჯიევმა.
კომპანია აზერბაიჯანის სახელმწიფო ნავთობკომპანიის (SOCAR) საზოგადოებასთან ურთიერთობისა და ღონისძიებების დეპარტამენტის უფროსის მოადგილე იბრაჰიმ აჰმადოვი აცხადებს, რომ ბაქო-თბილისი-ჯეიჰანის მილსადენი მუშაობას ჩვეულ რეჟიმში აგრძელებს.''
"ამით სომხეთი საფრთხეს უქმნის არა მხოლოდ ჩვენს რესპუბლიკას, არამედ ევროკავშირის ქვეყნებსაც. სომხეთის მიერ მთიანი ყარაბაღისა და აზერბაიჯანის მიმდებარე რეგიონების გრძელვადიანი ოკუპაცია მუდმივ საფრთხეს უქმნის საერთაშორისო ნავთობ და გაზსადენებს”, - განაცხადა აჰმედოვმა.