პოლიტიკური დანაშაულის ნიშნით დაპატიმრებული ბელარუსების რეალური რაოდენობა ზოგიერთ უფლებადამცველის მიერ დასახელებულ 800-900 ადამიანს მნიშვნელოვნად აღემატება. ეს განცხადება ბელარუსმა ჟურნალისტმა, ნატალია რადინამ გააკეთა. ინფორმაციას NEXTA Live ავრცელებს.
მისი თქმით, დიქტატორულმა რეჟიმებმა ყოფილი სსრკ-ის ტერიტორიაზე ისწავლეს „ადაპტირება“ პოლიტპატიმრების რაოდენობის შეფასების მეთოდოლოგიასთან და მათი გასამართლება იმ მუხლების მიხედვით, რომლებიც ყოველთვის არ არის შეფასებული, როგორც პოლიტიკური. მაგალითად, ბელარუსში ასეთი მუხლია "ძალადობა სამართალდამცავის წინააღმდეგ“, რაც რეალურად პოლიტიკური სტატიაა.
"ამრიგად, ბელარუსში ახლა არა 800-900 პოლიტპატიმარია, როგორც, მაგალითად, ბელარუსის ადამიანის უფლებათა ცენტრი "ვესნა" იტყობინება, არამედ, სულ მცირე 3 ათასი ადამიანი”, - ამბობს რადინა.
ცნობისთვის, 2020 წელს ქვეყანაში საპროტესტო აქციები დაიწყო. აქციებზე არჩევნების შედეგებს აპროტესტებდნენ, რომელთა მიხედვითაც ქვეყნის პრეზიდენტად ალექსანდრე ლუკაშენკო გამოცხადდა. აქციები ჩაახშეს, ოპოზიციის წინააღმდეგ კი რეპრესიები ტარდება. ლუკაშენკოს რეჟიმის ლეგიტიმურობას დემოკრატიული ქვეყნების უმეტესობა არ ცნობს.
