მილიარდერთა რეიტინგში ბილ გეიტსმა Amazon-ის დამფუძნებელ ჯეფ ბეზოსს ისევ გადაუსწრო. მონაცემებს Bloomberg-ი ავრცელებს. სააგენტოს ინფორმაციით, ბოლო ორი დღის განმავლობაში გამართული ვაჭრობის შედეგად, Microsoft-ის დამფუძნებლის ქონება 110 მლრდ დოლარამდე გაიზარდა. ბოლო ორი წლის განმავლობაში, ეს პირველი შემთხვევაა, როდესაც გეიტსმა ბეზოსს უმდიდრესი ადამიანების რეიტინგში გადაუსწრო.
Microsoft-ის წარმატების ერთ-ერთი მთავარი მიზეზი გასულ დრეებში ამერიკის შეერთებული შტატების თავდაცვის უწყებასთან 10 მილიარდიანი კონტრაქტის გაფორმება იყო. ამ შეთანხმების შემდეგ კომპანიის აქციების ფასი 4%-ით გაიზარდა.
