ეგვიპტის დედაქალაქი კაირო ფარაონების "ოქროს აღლუმისთვის" ემზადება. მსვლელობისას, ძველი ეგვიპტის ფარაონებისა და დედოფლების მუმიებს ეგვიპტის მუზეუმიდან, ტაჰირში, ეგვიპტის ცივილიზაციის ეროვნულ მუზეუმში (NMEC) გადაიტანენ.
აღლუმზე, რომელიც 3 აპირლს გაიმართება, 22 მუმია იქნება წარმოდგენილი. მათგან 18 მეფე და ოთხი დედოფალი.
აღლუმი ფოიერვერკისა და საპატიო ზალპების ფონზე გაიმართება.
ცნობილ მუმიებს შორის არის მეფე სექვენენრი, რომელმაც დაიწყო განმათავისუფლებელი ომი ჰიქსოსების წინააღმდეგ; დედოფალი ჰატშეფსუტი, ლუქსორის დასავლეთ სანაპიროზე მდებარე დეირ ალ-ბაჰარის ბრწყინვალე ტაძრის მფლობელი; და მეფე რამესეს II, ახალი სამეფოს დიდი ფარაონი.
