ეგვიპტეში წარმომადგენელთა პალატის (პარლამენტის ქვედა პალატა) არჩევნები მიმდინარეობს. მოქმედი პარლამენტის მანდატი 2021 წლის იანვარში იწურება.
პირველ ტურში ხმის მიცემაში მონაწილეობას 14 პროვინციის მოსახლეობა მიიღებს. არჩევნების 24-25 ოქტომბერს გაგრძელდება და პირველი ტურის შედეგები 1 ნოემბრამდე გამოქვეყნდება. დანარჩენ 13 პროვინციაში არჩევნების მეორე ტური 7–8 ნოემბერს გაიმართება. უცხოეთში მცხოვრები ეგვიპტელებისათვის ვადამდელი კენჭისყრა ჩატარდება.
მიმდინარე არჩევნები ახალ ფორმატში ჩატარდება არჩევნების შესახებ კანონში მიღებული ცვლილებების საფუძველზე. ამრიგად, საპარლამენტო არჩევნებში 284 ადგილისთვის ბრძოლა დახურული სიით გაიმართება, ხოლო 284 მანდატი ინდივიდუალური სისტემის კენჭისყრის შედეგად განისაზღვრება. კიდევ 28 დეპუტატს ქვეყნის პრეზიდენტი დანიშნავს.
ეგვიპტის საარჩევნო კანონში შესული ცვლილებების თანახმად, წარმომადგენელთა პალატა 568 დეპუტატისგან შედგება. ამასთან განსაზღვრულია გენდერული კვოტა, დეპუტატთა 25% ქალებით უნდა დაკომპლექტდეს.
