ესპანეთის მთავრობა COVID-19-ის ინფექციით დაღუპულთათვის პატივის მისაგებად ათდღიან გლოვას გამოაცხადებს.
”სამშაბათს, ესპანეთის მთავრობა პანდემიის მსხვერპლთა საპატივცემულოდ ათდღიან გლოვას ოფიციალურად დაამტკიცებს. ეს არის ყველაზე გრძელი ოფიციალური გლოვა ჩვენი ქვეყნის ისტორიაში”, - განაცხადა ესპაეთის პრემიერ-მინისტრმა, პედრო სანჩესმა.
პრემიერმა აღნიშნა, რომ მაღალი მზადყოფნის რეჟიმი ქვეყანაში 7 ივნისამდე კვლავ იმოქმედებს.
შეგახსენებთ, რომ ესპანეთის პრემიერ-მინისტრის, პედრო სანჩესის განცხადებით, ქვეყანაში საერთაშორისო ტურიზმი ივლისის თვიდან განახლდება.
ინფექციის გავრცელების დაწყებიდან დღემდე ესპანეთში გამოვლენილია კორონავირუსით ინფიცირების 234,800 შემთხვევა, გარდაიცვალა 28 628 პაციენტი.