ათენიდან ვილნიუსში მიმავალი "რაინეარის" თვითმფრინავის მინსკში იძულებით დასმა აბსოლუტურად მიუღებელია", - ამის შესახებ ევროკომისიის ხელმძღვანელმა, ურსულა ფონ დერ ლაიენმა განაცხადა.
"ყველა მგზავრს უნდა შეეძლოს ვილნიუსის მიმართულებით დაუყოვნებლივ განაგრძოს ფრენა და მათი უსაფრთხოება უზრუნველყოფილი უნდა იყოს. საერთაშორისო საჰაერო ტრანსპორტის წესების ნებისმიერ დარღვევას შესაბამისი შედეგები უნდა მოჰყვეს", - წერს ურსულა ფონ დერ ლაიენი Twitter-ის ოფიციალურ გვერდზე.
It is utterly unacceptable to force @Ryanair flight from Athens to Vilnius to land in Minsk.
— Ursula von der Leyen (@vonderleyen) May 23, 2021
ALL passengers must be able to continue their travel to Vilnius immediately and their safety ensured.
Any violation of international air transport rules must bear consequences.
ევროსაბჭოს ხელმძღვანელმა შარლ მიშელმა ბელარუსის ხელისუფლებას მოუწოდა, დაუყოვნებლივ აღადგინონ ფრენა და გაათავისუფლონ ყველა მგზავრი.
Very concerned regarding reports of a forced landing of #Ryanair flight in Minsk.
— Charles Michel (@eucopresident) May 23, 2021
We call on Belarus authorities to immediately release the flight and all its passengers.
An #ICAO investigation of the incident will be essential.
ევროპარლამენტის პრეზიდენტმა, დავიდ სასოლიმ და ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში, ჟოზეპ ბორელმა მომხდარს მიუღებელი უწოდეს.
შეგახსენებთ, მინსკში ოპოზიციურად განწყობილი ჟურნალისტი რომან პროტასევიჩი დააკავეს, რომელსაც ბელარუსის ხელისუფლება მასობრივი არეულობის ორგანიზებაში სდებს ბრალს. პროტასევიჩი ავიაკომპანია „რაინეარის“ თვითმფრინავით, ათენიდან ვილნიუსში მიემგზავრებოდა, თუმცა, ბორტზე ასაფეთქებელი მოწყობილობის შესახებ შესული ინფორმაციის საფუძველზე, თვითმფრინავი ავარიულად დაეშვა მინსკის აეროპორტში, სადაც ის სამართალდამცველებმა დააკავეს.