ვირტუალურ შეხვედრაზე საფრანგეთის, გერმანიის, დიდი ბრიტანეთისა და შეერთებული შტატების საგარეო საქმეთა მინისტრებმა ნატო-ს გაძლიერების აუცილებლობას ხაზი გაუსვეს.
"მინისტრები შეთანხმდნენ ნატო-ს შემდგომი გაძლიერების მნიშვნელობაზე და იმაზე, რომ ნატო-ს სამეცნიერო ცენტრის რეკომენდაციების საფუძველზე უზრუნველყონ ალიანსის შესაბამისობა დღევანდელ სტრატეგიულ რეალობასთან", - ნათქვამია პრესრელიზში, რომელიც გერმანიის საგარეო საქმეთა სამინისტროს ვებ-გვერდზე გამოქვეყნდა.
შეხვედრის მონაწილეებმა ასევე ხაზი გაუსვეს იემენში ომის დასრულების მნიშვნელობას, დაგმეს მიანმარის სამხედრო გადატრიალება და განიხილეს გლობალური რეაგირება კორონავირუსის კრიზისზე.