ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში, ჯოზეპ ბორელმა მთიანი ყარაბაღის კონფლიქტის შესახებ სატელეფონო საუბრები , რუსეთის საგარეო საქმეთა მინისტრთან, სერგეი ლავროვთან და თურქეთის საგარეო საქმეთა მინისტრთან, მევლუთ ჩავუშოღლუსთან გამართა. ამის შესახებ მან ევროპარლამენტში განაცხადა.
"სამწუხაროდ, კონფლიქტის ესკალაცია და მასში სხვა ქვეყნების მონაწილეობა არ არის გამორიცხული. ამან შეიძლება სერიოზულად შეარყიოს რეგიონის სტაბილურობა. მე განვიხილე ეს სიტუაცია რუსეთის საგარეო საქმეთა მინისტრთან და თურქეთის საგარეო საქმეთა მინისტრთან ", - განაცხადა ბორელმა.
მან ასევე ხაზი გაუსვა, რომ ის ესაუბრა აზერბაიჯანისა და სომხეთის საგარეო საქმეთა მინისტრებს და მათგან მიიღო მეორე მხარის ქმედებების შესახებ ინფორმაცია. ამ მოლაპარაკებების დროს ბორელმა ხაზი გაუსვა მშვიდობიანი მოსახლეობის მსხვერპლის დაუშვებლობას.
ევროპარლამენტში გამართულ სესიაზე, ევროპარლამენტარებმა მთიანი ყარაბაღის კონფლიქტის გარშემო მიმდინარე მოვლენებზე ერთმანეთს მოსაზრებები გაუზიარეს.
თეკო გიორგაძე
ავტორი