ალ-ქაიდამ დასავლეთ აფრიკის სახელმწიფო მალიში ხელნაკეთი ასაფეთქებელი მოწყობილობის აფეთქების შედეგად დაღუპული ორი ფრანგი ჯარისკაცის მკვლელობაზე პასუხისმგებლობა აიღო.
ამავდროულად, ტერორისტულმა ჯგუფმა დასავლეთ ნიგერში განხორციელებულ მასობრივ მკვლელობებში მონაწილეობა უარყო, სადაც ისლამისტების თავდასხმის შედეგად 70-ზე მეტი ადამიანი დაიღუპა.
შეგახსნებთ, რამდენიმე დღის წინ საფრანგეთის არმიის ორი თანამშრომელი სამსახურეობრივი მოვალეობის შესრულების დროს დაიღუპა და ერთი დაიჭრა, როდესაც მათი მანქანა თვითნაკეთი ასაფეთქებელი მოწყობილობით ააფეთქეს.
საფრანგეთის პრეზიდენტის, ემანუელ მაკრონის განცხადებით, გარდაცვლილი ჯარისკაცები ოპერაცია "ბარხანის" ფარგლებში მალის აღმოსავლეთ რეგიონში სადაზვერვო მისიას ახორციელებდნენ, რომლის მიზანი ისლამისტი ტერორისტების წინააღმდეგ ბრძოლა იყო.
თეკო გიორგაძე
ავტორი