პოლონეთში, საკურორტო ქალაქ შჩირკში მომხდარი გაზის ძლიერი აფეთქების შედეგად, შენობაში მყოფი რვავე ადამიანი გარდაიცვალა. დაღუპულთა შორის 4 ბავშვია. მაშველებმა ცხედრები ნანგრევებში იპოვეს. ადგილზე მისულმა სპეციალისტებმა, თავდაპირველად, 4 ცხედარი აღმოაჩინეს. სამძებრო სამუშაოები, რომელშიც მაშველებისა და პოლიციის ჩათვლით, 200-მდე პირი მონაწილეობდა, მთელი დღის განმავლობაში გრძელდებოდა.
აფეთქება სამსართულიან სახლში, სადაც 2 ოჯახი ცხოვრობდა, ღამით მოხდა. გაზის ადგილობრივი კომპანიის განცხადებით, უბედური შემთხვევა, სავარაუდოდ, სისტემაში არსებულმა ნახვრეტმა გამოიწვია, საიდანაც გაზი ჟონავდა.
მედეა ცხოვრებაძე
ავტორი