გერმანია ევროკავშირში პირველი ქვეყანა გახდება, სადაც კორონავირუსის სამკურნალოდ ექსპერიმენტული მკურნალობის მეთოდს - "ანტისხეულების კოქტეილს" გამოიყენებენ. ამის შესახებ გამოცემა The Guardian წერს.
გამოცემის ცნობით, აშშ-ის 45-ე პრეზიდენტს კორონავირუსით ინფიცირების პერიოდში სწორედ აღნიშნული გზით მკურნალობდნენ.
გერმანიის ჯანდაცვის მინისტრმა იენს შპანმა განაცხადა, რომ მთავრობამ პრეპარატის 200 000 დოზა 400 მილიონ ევროდ შეიძინა.
მონოკლონური "ანტისხეულების კოქტეილის" ერთი დოზის ღირებულება 2,000 ევროს შეადგენს.
