სომხეთის ეს ბინძური პოლიტიკა ნათელია. ყოველთვის, როდესაც ისინი ბრძოლის ველზე მარცხდებიან, ასეთ ბინძურ ქმედებებს მიმართავენ, - ამის შესახებ აზერბაიჯანის პრეზიდენტმა ილჰამ ალიევმა Haber Türk- თან ინტერვიუში განაცხადა.
მისი თქმით, სისასტიკე ცივილიზებული, უიარაღო ადამიანების მიმართ მათთვის ჩვეულებრივი მოვლენაა. აზერბაიჯანელმა ხალხმა ეს ხოჯალის გენოციდის მაგალითზე ნახა.
"ამჯერადაც აზერბაიჯანის არმია წარმატებით ატარებს ოპერაციას ფრონტის მთელი ხაზის გასწვრივ. მან ოკუპაციისგან რამდენიმე ქალაქი და სოფელი გაათავისუფლა. ჩვენი გათავისუფლების ოპერაციები წარმატებით გრძელდება. დღეს დილით ჩემთვის მოწოდებული ინფორმაციის თანახმად, ამ მიმართულებით აზერბაიჯანის არმიამ კიდევ უფრო დიდ წარმატებას მიაღწია. ამის შესახებ განცხადება გაკეთდება, როდესაც დრო მოვა“, - განაცხადა ალიევმა.
აზერბაიჯანის პრეზიდენტის თქმით, სომხეთს სულ სხვა გეგმები ჰქონდა.
"მათ ეგონათ, რომ ცეცხლის შეწყვეტის რეჟიმით ისარგებლებდნენ, სამხედრო დამარცხებებს ოდნავ შეამცირებდნენ, დროს მოიგებდნენ და ახალი ძალების მობილიზაციას მოახდენდნენ", - განაცხადა ალიევმა.
მისი თქმით, ეს მათ არ გამოუვიდათ.
"მათი გათვლა არასწორი იყო. მე ვამბობდი, რომ თუ სომხეთი არ გამოიჩენს პოზიტიურ მიდგომას, ინანებს და მე მართალი ვიყავი”, - აღნიშნა აზერბაიჯანის პრეზიდენტმა.
ილჰამ ალიევმა ხაზი გაუსვა, რომ აზერბაიჯანი სომხეთის წინააღმდეგ კიდევ უფრო დიდი მონდომებით და ნებისყოფით იბრძოლებს.
"კიდევ უფრო მეტი მონდომებისა და ნებისყოფის გამოვლენით, ჩვენ გავათავისუფლებთ ჩვენს მიწებს. ჩვენ ავწევთ აზერბაიჯანის დროშას ოკუპაციისგან განთავისუფლებულ ყველა მიწაზე", - განაცხადა ალიევმა.
