დღეს აზერბაიჯანის არმია სომხეთის არმიას ყველა მიმართულებით გამანადგურებელ დარტყმებს აყენებს , - ამის შესახებ აზერბაიჯანის პრეზიდენტმა ილჰამ ალიევმა განუცხადა თურქულ ტელეარხ NTV- სთან ინტერვიუში განაცხადა.
"გუშინდელი ზუსტი მონაცემებით, განადგურდა 200 სომხური ტანკი, 33 ტანკი ხელთ ჩავიგდეთ, - სომხეთის ხელში აზერბაიჯანის სამხედრო ტექნიკის არც ერთი ერთეული არ არის, - 33 ტანკი, თანაც მუშა მდგომარეობაში, ახლა ჩვენი არმიის ხელშია. განადგურდა საჰაერო თავდაცვის 2 სისტემა ეს-300, განადგურდა საჰაერო თავდაცვის 35 სისტემა და სხვა ტექნიკა”, - აღნიშნა ალიევმა.
ალიევის თქმით, სომხეთის არმიის ტექნიკური აღჭურვილობა ძალიან დაზიანდა. აზერბაიჯანი კი ახალ ტერიტორიებს ათავისუფლებს.
”უახლოეს მომავალში იქნება ახალი განცხადებები. ეს მათ კიდევ უფრო დაასუსტებს. სომეხმა ხალხმაც უნდა იცოდეს სიმართლე. ჩვენ ვთავაზობთ ყველაზე ზუსტ ინფორმაციას. ამიტომ, თუ სომეხ ხალხს სურს, შეიტყოს რეალური ვითარება, მოგვისმინოს ჩვენ”, - განაცხადა აზერბაიჯანის პრეზიდენტმა.
ილჰამ ალიევმა აღნიშნა, რომ სომხეთი მოლაპარაკებების მაგიდასთან გულწრფელი არ არის.
”ამ ბრძოლების პირველივე საათებიდან მე, მათ და სომეხ ხალხს მივმართე, ვუთხარი: მშვიდობიანად დატოვეთ ეს მიწები, რომ სისხლი არ დაიღვაროს, ხალხი არ მოკვდეს. სამწუხაროდ, სომხეთი ამას არ ასრულებს. დღეს ბრძოლის ველზე სომხეთის არმიის სრულად დამარცხებაში მთავარი დამნაშავე სომხეთის სამხედრო-პოლიტიკური ხელმძღვანელობა არის”, - აღნიშნა მან.
