21 ნოემბერს აზერბაიჯანის პრეზიდენტმა ილჰამ ალიევმა რუსეთის ფედერაციის თავდაცვის მინისტრის სერგეი შოიგუს ხელმძღვანელობით რუსეთის დელეგაციას უმასპინძლა. ამის შესახებ ინფორმაციას აზერბაიჯანის პრეზიდენტის პრესსამსახური ავრცელებს.
რუსეთის უწყებათაშორისი დელეგაცია ბაქოში ერევნიდან ჩავიდა.
გავრცელებული ინფორმაციით, მოლაპარაკებები დროს სერგეი შოიგუმ განაცხადა, რომ რუსმა სამშვიდობოებმა მთიანი ყარაბაღის კონფლიქტის ზონაში 23 ბლოკ-საგუშაგო გახსნეს და შეხების ხაზზე უსაფრთხოების უზრუნველსაყოფად საჭირო ყველა მაგისტრალს აკონტროლებენ.
მისივე თქმით, ეს მიუთითებს აზერბაიჯანის და სომხეთის მზადყოფნას დაასრულოს მრავალწლიანი კონფლიქტი და დაიწყოს პოლიტიკური დარეგულირება.
