ირანში ახალი ტიპის კორონავირუსის, COVID-19-ის შედეგად ორი ადამიანი გარდაიცვალა. ინფორმაცია ქვეყნის ჯანდაცვის სამინისტროში დაადასტურეს. ამის შესახებ The New York Times წერს.
"სამწუხაროდ, ორი ადამიანი, სოლიდური ასაკის გათვალისწინებით, გარდაიცვალა", - განაცხადა ჯანდაცვის უწყების წარმომადგენელმა.
16:42
ირანის ხელისუფლება ქვეყანაში ახალი ტიპის კორონავირუსის 2 შემთხვევის გამოვლენას ადასტურებს.
მანამდე ირანის ჯანდაცვის სამინისტრომ გაავრცელა ინფორმაცია კორონავირუსით სავარაუდო დაინფიცირების შესახებ.
დღეს ექიმების ვარაუდი ოფიციალურად დადასტურდა. დაავადებულები იზოლირებულად გადიან მკურნალობას.
ჩინეთის 31 პროვინციის მონაცემებზე დაყრდნობით, ამ დროისთვის ქვეყანაში კორონავირუსი გამოუვლინდა 74 185 პაციენტს, მათგან 11977 მძიმე მდგომარეობაშია. გარდაიცვალა 2004 ადამიანი, გამოჯანმრთელდა და საავადმყოფოდან გაწერეს 14300 ადამიანი.
