იტალიაში ნიკოლა პუსენის ნახატი აღმოაჩინეს, რომელიც ნაცისტებმა 1944 წელს ებრაულ ოჯახს ჩამოართვეს.
საუბარია XVII საუკუნის ნამუშევარზე "ლოტი ორ ქალიშვილთან ერთად, რომლებიც სასმელს აწვდიან".
ნახატი საფრანგეთის ქალაქ პუატიეში 1944 წლის თებერვალში გაუჩინარდა, რომელიც ნაცისტების მიერ იყო ოკუპირებული. 1946 წელს ყოფილმა მფლობელებმა მათთვის ჩამორთმეული ნახატის ძებნა დაიწყეს.
ნახატი, რომლის ზომა 120X150 სმ. არის, ანტიკვარიატით მოვაჭრის სახლში, იტალიის პადუაში აღმოაჩინეს.
აღმოჩნდა, რომ ნახატი იტალიაში 2017 წელს მოხვდა. ის დროებით ბელგიაში, გამოფენაზე გაიტანეს.
ახლა ნამუშევარი მის პირველად მფლობელებს დაუბრუნეს.
