კანადის მთავრობა, უკრაინის პოლიციის რეფორმის მხარდასაჭერად, 2 მილიონ კანადურ დოლარს (დაახლოებით 1,3 მილიონი ევრო) გამოყოფს. ამის შესახებ განცხადება კანადის მთავრობამ ოფიციალურ ვებგვერდზე გამოაქვეყნა.
პრესრელიზში ასევე ნათქვამია, რომ კიევში ვიზიტის დროს, კანადის საგარეო საქმეთა მინისტრმა, ფრანსუა-ფილიპ შამპანმა ქვეყნის ხელმძღვანელობასთან ისაუბრა "იმ საქმიანობაზე, რომელსაც კანადა უკრაინის სუვერენიტეტისა და ტერიტორიული მთლიანობის რუსული აგრესიისაგან თავდასაცავად ასრულებს“.
უკრაინის გარდა, აღმოსავლეთ ევროპაში მოგზაურობის დროს, ფრანსუა-ფილიპ შამპანმა ასევე მოინახულა პოლონეთი და ლატვია, სადაც ამ ქვეყნებში მდებარე, NATO-ს საბრძოლო ჯგუფებში განლაგებულ კანადელ სამხედროებს შეხვდა.
