რუსეთის გადამწყვეტი წვლილით, მთიან ყარაბაღში კონფლიქტი შეჩერებულია, - ამის შესახებ მოსკოვის უსაფრთხოების რიგით მე-9 კონფერენციაზე სიტყვით გამოსვლისას რუსეთის პრეზიდენტმა, ვლადიმერ პუტინმა განაცხადა.
”რუსი სამშვიდობოები საიმედოდ უზრუნველყოფენ რეგიონში მშვიდობასა და უსაფრთხოებას, ბევრს აკეთებენ ჰუმანიტარული სიტუაციის გასაუმჯობესებლად, ტერიტორიის განაღმვისა და სოციალური ინფრასტრუქტურის აღსადგენად”, - განაცხადა რუსეთის პრეზიდენტმა.
მისი თქმით, რუსეთი არასდროს ივიწყებს პასუხისმგებლობას, რომელიც მას ეკისრება მეზობელი ქვეყნების უსაფრთხოების კუთხით და აპირებს, წვლილი შეიტანოს რეგიონული კონფლიქტების დეესკალაციაში, "მშვიდობისა და სტაბილურობის განმტკიცებაში ჩვენს საერთო კონტინენტზე".