COVID-19-ის საწინააღმდეგო ვაქცინის მე-4 დოზა ანტისხეულების რიცხვს 5-ჯერ ზრდის. ამის შესახებ ისრაელის პრემიერ-მინისტრმა, ნაფტალი ბენეტმა განაცხადა. Report.ge-ს ცნობით, ინფორმაციას Reuters ავრცელებს.
პრემიერმა ისრაელში ჩატარებული კვლევების წინასწარი შედეგები გაახმოვანა.
"მეოთხე დოზის მიღებიდან ერთი კვირის შემდეგ, ჩვენ დარწმუნებით ვიცით, რომ მეოთხე დოზა უსაფრთხოა", - განაცხადა ბენეტმა შიბას სამედიცინო ცენტრში, რომელიც პერსონალის რევაქცინაციას ატარებს.
ისრაელის პრემიერის თქმით, ეს, დიდი ალბათობით, ინფექციებთან, ჰისპიტალიზაციასა და მძიმე სიმპტომებთან ბრძოლის მნიშვნელოვან გაძლიერებას ნიშნავს.
"მეორე ახალი ამბავი: ჩვენ ვიცით, რომ მეოთხე დოზის შეყვანიდან ერთი კვირის შემდეგ ვაქცინირებულ ადამიანში ანტისხეულების 5-ჯერ გაზრდის რაოდენობას ვხედავთ", - განაცხადა ბენეტმა.
ცნობისთვის, ისრაელში სამედიცინო სფეროს მუშაკებისა და ხანდაზმულების კორონავირუსის საწინააღმდეგო ვაქცინის მე-4 დოზით აცრა დაიწყო.
