კორონავირუსით ინფიცირების შეთხვევების მატების გამო, 21 ოქტომბრიდან 15 ნოემბრამდე ლატვიაში "ლოქდაუნი" ამოქმედდება. ინფორმაციას Reuters ავრცელებს.
ამ პერიოდში არ იმუშავებს სკოლები, მაღაზიები, რესტორნები და გასართობი დაწესებულებები.
საღამოს 8 საათიდან დილის 5 საათამდე "კომენდანტის საათი" იმოქმედებს.
თითქმის ყველა დაწესებულება, გარდა აუცილებელი საწარმოო, სამშენებლო და კრიტიკულად მნიშვნელოვან სფეროებში დასაქმებულებისა, მუშაობის დისტანციურ რეჟიმში გადადის.
ლატვიის ჯანდაცვის სამსახურების ინფორმაციით, ქვეყანაში კოვიდ 19-ით ინფიცირების შემთხვევები წინა კვირასთან შედარებით 49 %-ით გაიზარდა. რიგის ორ უდიდეს საავადმყოფოში კოვიდპაციენტებისთვის დამატებითი საწოლები დადგეს. აღსანიშნავია, რომ რამდენიმე დღის წინ კორონავირუსი ლატვიის პრეზიდენტს, ეგილს ლევიტსაც დაუდასტურდა.