მალის ამბოხებულმა სამხედროებმა ქვეყნის თავდაცვის ყოფილი მინისტრი ბა ნდაო დროებით პრეზიდენტად დანიშნეს, რომელიც თანამდებობას 18 თვის განმავლობაში დაიკავებს.
ერის გადარჩენის ეროვნული კომიტეტის ხელმძღვანელმა განაცხადა, რომ არჩევანი ნდაოზე მალის საზოგადოებრივი და პოლიტიკური ძალების წარმომადგენლებთან კონსულტაციის შემდეგ გაკეთდა.
შეგახსენებთ, 18 აგვისტოს, სამხედრო გადატრიალების შედეგად, პრეზიდენტი იბრაჰიმ ბუბაქარ კეიტა გადადგა. გადატანილი ინსულტის შემდეგ კეიტა სამკურნალოდ არაბეთის გაერთიანებულ საემიროებში გადაიყვანეს.
