"ათწლეულების განმავლობაში ჩატარებული გამოკვლევებისა და ვაქცინის შემუშავებაში მიღწეული წარმატებების წყალობით, ახლა უკეთ ვართ მომზადებულები, მომავალ პანდემიებთან გასამკლავებლად", - აცხადებენ ჯანდაცვის მსოფლიო ორგანიზაციაში.
ჯანმო-ს მიერ გამოქვეყნებული განცხადების თანახმად, ამ ეტაპზე მოსახლეობის დიდი რაოდენობის ვაქცინაცია პანდემიის დაძლევის თვალსაზრისით განსაკუთრებულ როლს თამაშობს.
"დღეს ჩატარებული ვაქცინაციით, ხვალინდელ მსოფლიოს ერთმანეთთან უფრო აახლოებთ. ვაქცინა გვაახლოებს იმ სამყაროსთან, სადაც თავისუფლად არის შესაძლებელი მოგზაურობა" , - ვკითხულობთ ჯანმოს განცხადებაში.
Thanks to decades of research and major advances in vaccine science, we are now better prepared to handle future disease outbreaks.#VaccinesWork to bring us closer. pic.twitter.com/WLKPRArRFK
— World Health Organization (WHO) (@WHO) April 25, 2021
გაცნობებთ, რომ 25 აპრილის მონაცემებით, მსოფლიო მასშტაბით კორონავირუსის საწინააღმდეგო ვაქცინის 1 მილიარდზე მეტი დოზა გაკეთდა.
Bloomberg-ის ცნობით, თუ აცრის ტემპი დღეში საშუალოდ 18,5 მილიონ დოზამდე გაიზრდება, მსოფლიო მოსახლეობის 75%-ის ვაქცინაციას კიდევ 19 თვე დასჭირდება.