მსოფლიოში კონფლიქტების შედეგად იძულებით გადაადგილებულ პირთა რაოდენობამ 48 მილიონს მიაღწია, რაც რეკორდული მაჩვენებელია. ამის შესახებ გაერო-ს სპეციალურმა მომხსენებელმა იძულებით გადაადგილებულ პირთა საკითხებში, სესილია ხიმენეს-დამარიმ მსოფლიო ორგანიზაციის გენერალური ასამბლეის მესამე კომიტეტზე სიტყვით გამოსვლისას განაცხადა.
”შეიარაღებული კონფლიქტისა და ძალადობის გამო მსოფლიოში დევნილთა რიცხვმა 48 მილიონს მიაღწია, ოდესმე დაფიქსირებულიდან ყველაზე მაღალი მაჩვენებელი გახდა,” - განაცხადა სპეციალურმა მომხსენებელმა.
მისი თქმით, შეიარაღებული კონფლიქტისა და ფართოდ გავრცელებული ძალადობის მზარდ რთულ გარემოში,საერთაშორისო ჰუმანიტარული და ადამიანის უფლებათა სამართლის პატივისცემის უზრუნველყოფა სულ უფრო რთული ხდება.
ხომენეს-დამარიმ აღნიშნა, რომ კონფლიქტური სიტუაციები და გლობალური ძალადობა ასევე, შესაძლოა, ბუნებრივი კატასტროფების გამო გამწვავდეს, რაც მოსახლეობის გადაადგილებას იწვევს.