მსოფლიოს ერთ-ერთი ყველაზე დიდი აისბერგი A68, რომელიც ანტარქტიდას 2017 წელს გამოეყო დადნა. ამის შესახებ BBC წერს.
აისბერგის მოცულობა იმ პერიოდისათვის, როდესაც იგი ანტარქტიდას მოსწყდა, 6000 კვ.კმ-ს შეადგენდა.
2017 წელს, თავდაპირველად, როდესაც აისბერგი ყინულის მასას გამოეყო, თითქმის არ მოძრაობდა. ერთი წლის შემდეგ კი, მოძრაობა ჩრდილოეთით, ძლიერი დინებისა და ქარის გავლენით დაიწყო.
ცნობისთვის, 2021 წლის დასაწყისში ჰაერის უჩვეულოდ მაღალი ტემპერატურის გამო, ანტარქტიდას კიდევ ერთი ახალი, გიგანტური აისბერგი გამოეყო. აისბერგის ფართობი, საერთო ჯამში, 1 270 კვადრატულ კილომეტრს აღწევს, რაც მანჰეტენის სიდიდეს 20-ჯერ აღემატება.
