მსოფლიოში კორონავირუსის საწინააღმდეგო აცრების რაოდენობამ 8 მილიარდს გადააჭარბა. მათგან ნახევარზე მეტი (4,16 მილიარდი) სამ ქვეყანაში - ჩინეთში (2,5 მილიარდი), ინდოეთში (1,2 მილიარდი) და ამერიკის შეერთებულ შტატებში (0,46 მილიარდი) გაკეთდა.
ამ დროისთვის ადამიანებს კორონავირუსის ვაქცინის 8,03 მილიარდი დოზა გაუკეთეს. ამასთან, ჯერ კიდევ შეუძლებელია იმის დადგენა, თუ რამდენმა ადამიანმა დედამიწაზე გაიარა ვაქცინაციის სრული კურსი, რადგან ბევრი ქვეყანა აფიქსირებს მხოლოდ COVID-ის ვაქცინების და აცრების სერტიფიცირებული დოზების რაოდენობას. ამასთან, რიგ სახელმწიფოებში უკვე დაწყებულია მოქალაქეების რევაქცინაცია კორონავირუსისგან.
ამასთან, მსოფლიოში ვაქცინაციის ტემპი დაჩქარდა: წინა მილიარდი აცრა 37 დღეში გაკეთდა, ამ მილიარდის მიღწევამდე კი ერთ კვირაზე ნაკლები პერიოდი იყო საჭირო.
ჯამში, მსოფლიოში, სულ მცირე, 15 ვაქცინაა კორონავირუსის წინააღმდეგ. მათი მწარმოებლებია: ამერიკული კონცერნი Pfizer-ისა და მისი გერმანელი პარტნიორი BioNTech, ბრიტანულ-შვედური კომპანია AstraZeneca და ოქსფორდის უნივერსიტეტი, ჩინური კომპანიები Sinovac და Sinopharm, ინდური Indian Covaxin, ასევე ამერიკული Moderna და Johnson & Johnson. რუსეთის და რიგი ქვეყნები მოსახლეობას რუსული ვაქცინებით Sputnik V, Sputnik Light, EpiVacCorona და Covivac ცრიან.
