აშშ-ის სენატმა ქვეყნის აერონავტიკის და კოსმოსური სივრცის კვლევის ეროვნული სამმართველოს (NASA) ხელმძღვანელის პოსტზე ბილ ნელსონის კანდიდატურა ერთხმად დაამტკიცა. პირდაპირი ტრანსლაცია საკანონმდებლო ორგანოს ზედა პალატის ვებგვერდზე მიმდინარეობდა. ინფორმაციას Axios ავრცელებს.
აშშ-ის ამჟამინდელმა პრეზიდენტმა ჯო ბაიდენმა ნელსონის კანდიდატურა სენატს დასამტკიცებლად მარტში წარუდგინა. უახლოეს მომავალში იგი ფიცს დადებს.
78 წლის ნელსონი, რომელიც ამჟამად ამერიკის შეერთებული შტატების მმართველი დემოკრატიული პარტიის წევრია, წლების მანძილზე სენატსა და კონგრესში მუშაობდა. სენატსა და წარმომადგენელთა პალატაში მუშაობის დროს ის კოსმოსურ ქვეკომიტეტებს ხელმძღვანელობდა. 2019 წლიდან NASA–ს მრჩეველთა საბჭოს წევრია. 1986 წელს STS-61C მისიის მისიასთან ერთად Space Shuttle პროგრამის ფარგლებში კოსმოსში გაფრინდა.
