რუსეთის ქმედებებთან დაკავშირებით, ჩრდილოატლანტიკური ალიანსი განცხადებას ავრცელებს. NATO რუსეთს მოუწოდებს, შავ ზღვასა და ქერჩის სრუტეში ნავიგაციის თავისუფლება უზრუნველყოს.
„მოვუწოდებთ რუსეთს, უზრუნველყოს თავისუფალი წვდომა აზოვის ზღვაში უკრაინის პორტებთან და თავისუფალი ნავიგაცია. რუსეთის მიერ ყირიმის უკანონო ანექსიის შემდეგ რუსეთმა არსებითად გაზარდა სამხედრო წარმომადგენლობა ნახევარკუნძულზე და მის გარეშემო. რუსეთის მიერ ყირიმის, შავი და აზოვის ზღვის მილიტარიზაციის გაგრძელება არის უკრაინის დამოუკიდებლობისადმი მუქარის გაგრძელება და ძირს უთხრის რეგიონის სტაბილურობას. მოვუწოდებთ რუსეთს, დაუყოვნებლივ მოახდინოს სიტუაციის დეესკალაცია, შეწყვიტოს პროვოკაციული ქმედებები და პატივისცემით მოეკიდოს საერთაშორისო ვალდებულებებს“, – ნათქვამია NATO-ს განცხადებაში, რომელიც ჩრდილოატლანტიკური ალიანსის პრესსამსახურის წარმომადგენელმა გაავრცელა.
#Russia plans to restrict access to parts of #BlackSea & #Kerchstrait wld be unjustified move, part of broader pattern of destabilising behaviour. We call on Russia to allow freedom of navigation. #NATO Allies do not & will not recognise illegal annexation of #Crimea. #Ukraine pic.twitter.com/xzqo579arY
— Oana Lungescu (@NATOpress) April 16, 2021