პრინც ჩარლზისა და პრინცესა დაიანას 40 წლის საქორწინო ტორტის ნაჭერი აუქციონზე გაიყიდა. საბოლოო ფასმა 1,850 გირვანქა სტერლინგი შეადგინა. ინფორმაციას BBC ავრცელებს.
ორგანიზატორები ვარაუდობდნენ, რომ ტორტის ნაჭერი 500 გირვანქა სტერლინგად გაიყიდებოდა, ამიტომ სასტარტო ფასი 300 გირვანქა სტერლინგი გახდა. თუმცა ფასი ძალიან სწრაფად გაიზარდა და საბოლოო ჯამში ვაჭრობა 1,850-ზე გაჩერდა.
გამარჯვებული აუქციონის ანონიმური მონაწილეა, რომელიც ქალაქ ლიდსში ცხოვრობს.
ტორტის ნაჭერი თავდაპირველად გადაეცა სამეფო ოჯახის წევრს, მოირა სმიტს, რომელმაც საკონდიტრო ნაწარმი შესანიშნავ მდგომარეობაში შეინარჩუნა.
ტორტის ნაჭერს ის თუნუქის ქილაში ინახავდა, რომელზეც არის წარწერა "გაუფრთხილდით - პრინც ჩარლზისა და პრინცესა დაიანას საქორწილო ტორტი" და თარიღი - 1981 წლის 27 ივლისი.
