პრინცი ჰარი და მეგან მარკლი სამეფო სტატუსითა და პრივილეგიებით აღარ ისარგებლებენ. ამის შესახებ ბუკინგემის სასახლემ რამდენიმე წუთის წინ განაცხადა.
სასექსის ჰერცოგსა და ჰერცოგინიას 2.4 მილიონი ფუნტი სტერლინგის ბიუჯეტში დაბრუნებაც მოუწევთ, რომელიც მათი საცხოვრებელი სასახლის რესტავრაციისთვის დაიხარჯა.
წყვილს ასევე ჩამოერთვა უფლება ოფიციალურად წარმოადგინოს დედოფალი და სამეფო ოჯახი.
სამეფო ოჯახის მაღალი რანგის სტატუსზე უარი ჰარიმ და მეგანმა საჯაროდ რამდენიმე დღის წინ განაცხადეს.
