რუსეთში გასული დღე-ღამის განმავლობაში COVID-19-ს კიდევ 138 პაციენტის სიცოცხლე ემსხვერპლა, რითაც გარდაცვლილთა რაოდენობა 4 693-მდე გაიზარდა. ამის შესახებ რუსეთის ფედერაციაში კოროვირუსების გავრცელების წინააღმდეგ ბრძოლის მიზნით შექმნილ ოპერატიულ შტაბში განაცხადეს.
გასული 24 საათის განმავლობაში 69 ადამიანი გარდაიცვალა მოსკოვში, 25 გარეუბანში, 13 სანკტ-პეტერბურგში, ცხრა დაღესტანში, ხუთი ნიჟნი ნოვგოროდის რეგიონში.
ინფიცირებულთა რაოდენობა 9 268-ით გაიზარდა და 405 843-ს მიაღწია.
კორონავირუსით დაინფიცირების შემთხვევებით, რუსეთმა მსოფლიოში მესამე ადგილზე გადაინაცვლა.
კორონავირუსისგან სულ 171 883 პაციენტი გამოჯანმრთელდა.
