თურქეთის ახალი აქტი, რომელიც ლიბიაში ჯარების დისლოცირების საშუალებას იძლევა, სამოქალაქო ომის "საშიში ესკალაციაა, რომელიც რეგიონში სტაბილურობას საფრთხეს უქმნის". ამის შესახებ საბერძნეთის, ისრაელისა და კვიპროსის ერთობლივ განცხადებაშია აღნიშნული.
"ეს გადაწყვეტილება გაერო-ს უშიშროების საბჭოს რეზოლუციის დარღვევაა, რომელიც ლიბიას ემბარგოს უწესებს და ლიბიის კონფლიქტის მშვიდობიანი, პოლიტიკური გადაწყვეტილების ძიებისკენ საერთაშორისო საზოგადოების მიერ მიმართულ ძალისხმევას არყევს", - ნათქვამია განცხადებაში, რომელსაც სამი ქვეყნის ლიდერი აწერს ხელს.
თურქეთის პარლამენტმა მხარი დაუჭირა კანონროექტს, რომელიც ლიბიაში, გაერო-ს მიერ აღირებულ მთავრობის მხარდასაჭერად, სამხედრო ძალების გაგზავნას ითვალისწინებს. პარლამენტის სპიკერის მუსტაფა სენტოფის თქმით, კანონი 325 ხმით 184-ის წინააღმდეგ მიიღეს.
