საფრანგეთში 200-ზე მეტი ოქროს ლუიდორი, რომელიც ქვეყნის დასავლეთ ნაწილში, ერთ-ერთ სახლში აღმოაჩინეს, აუქციონზე 1 მილიონ ევროდ გაიყიდა. ინფორმაციას აუქციონის სახლი Ivoire Angers/Deloys ავრცელებს.
"მონეტები ლუდოვიკო XIII და ლუდოვიკო XIV-ს დროს შეიქმნა", - აღნიშნავს აუქციონი სახლი.
ლოტის თავდაპირველი ღირებულება 300 ათასი ევრო იყო. მონეტები ცალცალკე გაიყიდა. 19 მონეტა პარიზის ზარაფხანას მუზეუმმა შეიძინა.
239 ოქროს მონეტა 2019 წელს ერთ-ერთი სახლის კედელში იპოვეს. წყვილმა, რომელმაც აღმოჩენა გააკეთა, 4 მონეტა დაიტოვა.
აუქციონით მიღებული შემოსავალი სამ მუშაზე და სახლის მეპატრონეებზე გაიყოფა, რომლებმაც სახლში რემონტი გააკეთეს და მონეტებით სავსე ზარდახშა იპოვეს.
