საფრანგეთში კორონავირუსის ორი შემთხვევა დადასტურდა. ინფორმაციას საფრანგეთის ჯანდაცვის მინისტრი ანეზ ბუზინი ავრცელებს.
მისი თქმით, შემთხვევა პარიზსა და ბორდოში დაფიქსირდა.
ცნობისთვის, ჩინეთში კორონავირუსით 26 ადამიანი გარდაიცვალა, 900-მდე კი დაინფიცირებულია.
ვირუსი უკვე გასცდა ჩინეთის საზღვრებს. შემთხვევები დაფიქსირებულია ტაილანდში, იაპონიაში, სამხრეთ კორეაში, აშშ-ში, ჰონგ-კონგში, ტაივანში, მაკაოში, საუდის არაბეთში, სინგაპურში.
ახალი ტიპის პნევმონია ჩინეთში გასული წლის დეკემბრის დასაწყისში გამოვლინდა. 7 იანვარს ჩინელმა სპეციალისტებმა დაადგინეს ვირუსის გამომწვევი მიზეზი - ეს კორონავირუსი 2019-nCoV-ია. ჩინეთის ხელისუფლების წარმომადგენლების თქმით, კორონავირუსმა შესაძლოა, მუტაცია განიცადოს და უფრო ფართოდ გავრცელდეს.
Agnès Buzyn annonce deux cas positifs au coronavirus en France : «On est en train de remonter l'histoire des contacts de ces personnes positives» pic.twitter.com/BfVJxitzg3
— CNEWS (@CNEWS) January 24, 2020