შავ ზღვაში საერთაშორისო სამხედრო-საზღვაო წვრთნები "Sea Breeze-2020" დასრულდა. ინფორმაციას ამის შესახებ უკრაინის თავდაცვის სამინისტრო ავრცელებს.
"შავ ზღვაში მანევრების ყველა ამოცანა სრული მოცულობით შესრულდა", - აღნიშნულია სარდლობის განცხადებაში.
Sea Breeze-2020-ის ხელმძღვანელებმა უკრაინული და ამერიკული მხრიდან მადლობა გადაუხადეს მონაწილეებს.
"ამ წვრთნებმა კიდევ ერთხელ აჩვენა თანამშრომლობის მაღალი დონე უკრაინას, აშშ-ს, რეგიონალურ მოკავშირეებსა და პარტნიორებს შორის შავი ზღვის რეგიონში მზაობის უზრუნველყოფისა და ოპერატიული თავსებადობისთვის", - აღნიშნულია განცხადებაში.
უკრაინასა და აშშ-ის გარდა წვრთნებში ბულგარეთი, საქართველო, ესპანეთი, რუმინეთი, თურქეთი და ნორვეგია მონაწილეობდა.
შავ ზღვაში სამხედრო სწავლება "Sea Breeze 2020" 20 ივლისს დაიწყო.
