სომხეთის მინისტრთა კაბინეტის გადაწყვეტილებით, ქვეყანაში 27 სექტემბერს შემოღებული საომარი მდგომარეობის რეჟიმი კიდევ უფრო მკაცრდება. რეგულაციების ფარგლებში თანამდებობის პირებს ეკრძალებათ აგიტაცია, რომელიც კრიტიკულია, ან ეჭვქვეშ დააყენებს ქვეყნის თავდაცვისუნარიანობას. წესების დაცვას პოლიცია გააკონტროლებს.
სამართალდამცავი ორგანოების წარმომადგენლები აღჭურვილნი არიან ძალაუფლებით, რომელიც მათ საეჭვო ბეჭდური, აუდიო და ვიდეომასალების კონფისკაციისა და მათი ტირაჟირების მოწყობილობების ამოღებისა და დროებით დაპატიმრების უფლებამოსილებას აძლევს.
