დემოკრატიისა და ეკონომიკური განვითარების ორგანიზაციამ (სუამ) აზერბაიჯანის სახელმწიფო სასაზღვრო სამსახურის ვერტმფრენის ჩამოვარდნის შედეგად სამხედრო მოსამსახურეების დაღუპვის გამო მწუხარება გამოთქვა. ამის შესახებ ორგანიზაციის Twitter-ის გვერდზე გავრცელებულ განცხადებაშია ნათქვამი.
"წვრთნების დროს სამხედრო ვერტმფრენის ტრაგიკული ჩამოვარდნის გამო ღრმა მწუხარებას გამოვთქვამთ. ვუსამძიმრებთ დაღუპულთა ოჯახებს, აზერბაიჯანის მთავრობას და ხალხს, ხოლო დაშავებულებს სწრაფ და სრულ გამოჯანმრთელებას ვუსურვებთ!", - აღნიშნულია განცხადებაში.
30 ნოემბერს აზერბაიჯანის სახელმწიფო სასაზღვრო სამსახურის სამხედრო შვეულმფრენი ხიზის რაიონში საწვრთნელი ფრენის დროს ჩამოვარდა. შემთხვევის შედეგად 14 ადამიანი დაიღუპა, 2 კი დაშავდა.