ირანის პრეზიდენტი იბრაჰიმ რისი გენერალ ქასემ სულეიმანის მკვლელობისთვის აშშ-ის ყოფილი პრეზიდენტის, დონალდ ტრამპის პასუხისგებაში მიცემას დაჟინებით მოითხოვს. Report.ge-ს ცნობით, ინფორმაციას Reuters ავრცელებს.
ამის შესახებ რაისიმ გენერლის გარდაცვალების მეორე წლისთავზე სიტყვით გამოსვლისას განაცხადა.
"თუ ტრამპი და პომპეო გენერალ სულეიმანის მკვლელობისთვის სასამართლოს წინაშე არ წარდგებიან, მუსლიმები შურს იძიებენ", - განაცხადა რაისმა.
მან ტრამპს "აგრესორი, მკვლელი და მთავარი დამნაშავე" უწოდა და აღნიშნა, რომ ის უნდა გასამართლდეს.
აშშ-ის თავდაცვის უწყებამ სამხედრო ოპერაციის შედეგად ქასემ სულეიმანი 2020 წლის იანვარში მოკლა. გენერალი სულეიმანი ისლამური რევოლუციის გუშაგთა კორპუსის სპეცდანიშნულების რაზმ „ალ-ქუდსის“ ხელმძღვანელი იყო, რომელიც აშშ-მა ტერორისტული ორგანიზაციების სიაში შეიყვანა. სარაკეტო დარტყმა ერაყში, ბაღდადის აეროპორტის მახლობლად მოხდა. ინფორმაცია პენტაგონში დაადასტურეს.
