თურქეთის პრეზიდენტმა რეჯეფ თაიფ ერდოღანმა განაცხადა, რომ ლიბიაში ჯარის გაგზავნა დაიწყო. ინფორმაციას ამის შესახებ სააგენტო Reuters- ავრცელებს.
ერდოღანის თქმით, თურქეთი ლიბიაში სტაბილურობის დასამყარებლად ყველა დიპლომატიურ და სამხედრო შესაძლებლობას გამოიყენებს.
გავრცელებული ინფორმაციით, თურქეთის ჯარები ლიბიაში გაერო-ს მიერ მხარდაჭერილი ეროვნული შეთანხმების მთავრობის (Government of National Accord) ლიდერს ფაიეზ ალ-სარაჯს დაეხმარებიან.
მანამდე თურქეთის პრეზიდენტმა, რეჯეფ თაიფ ერდოღანმა განაცხადა, რომ თურქეთის მიზანი ლიბიაში კანონიერი ხელისუფლების მხარდაჭერაა.
