სირიაში, იდლიბში თურქი სამხედროებისთვის ცეცხლის გახსნის პასუხად თურქულმა თვითმფრინავებმა F-16 ქვეყანაში 46 სამიზნე დაბომბა. ამის შესახებ სააგენტო Bloomberg პრეზიდენტ რეჯეფ თაიფ ერდოღანზე დაყრდნობით იუწყება.
"თურქეთმა იდლიბში ცეცხლის გახსნას მძლავრი დარტყმით უპასუხა და მომავალშიც ასე გააგრძელებს", - განაცხადა ერდოღანმა.
ანკარა აცხადებს, რომ იერიშის შედეგად 30-35 სირიელი ჯარისკაცი დაიღუპა.
თურქეთის პრეზიდენტმა ასევე რუსეთს მოუწოდა, არ სცადოს თურქეთის ოპერაციის შეჩერება, რომელიც სირიის რეჟიმის პოზიციებისკენ არის მიმართული.
მანამდე ანკარამ განაცხადა, რომ იდლიბში საარტილერიო იერიშის შედეგად 4 თურქი სამხედრო დაიღუპა.