თურქულმა თანამგზავრებმა კოსმოსიდან ქვეყნის სამხრეთ და სამხრეთ-დასავლეთ ნაწილში ტყის ხანძრებით გამოწვეული შედეგები გადაიღეს. ფოტოები თურქეთის თავდაცვის სამინისტრომ გაავრცელა.
”მაღალი რეზოლუციის სადაზვერვო თანამგზავრებმა Göktürk-1 და Göktürk-2 კოსმოსიდან მანავგატსა და მარმარისში ტყის ხანძრები და ხანძრის ჩაქრობის შედეგები გადაიღეს”, - განაცხადეს თავდაცვის სამინისტროში.
ფოტოზე ნაჩვენებია ხანძრის შედეგად გამოწვეული მნიშვნელოვანი ზარალი, რამაც ტყეები ნაცრად აქცია.
თურქეთში ტყის ხანძარი უკვე ერთი კვირაა მძვინვარებს. სტიქიას 8 ადამიანი ემსხვერპლა.
