თურქეთის ჯანდაცვის სამინისტრომ ადამიანების კონკრეტული ჯგუფისთვის COVID-19-ის საწინააღმდეგო მე-5 ე.წ. ბუსტერით აცრას დაუჭირა მხარი. Report.ge-ს ცნობით, ინფორმაციას Daily Sabah ავრცელებს.
მე-5 დოზაზე ჩაწერას შეძლებენ პირები, რომლებიც ჩინური Sinovac-ის ორი დოზით და BioNTech-ის ვაქცინის 2 დოზით, სულ მცირე, სამი თვის წინ აიცრნენ.
მოქალაქეებს საშუალება ექნებათ, ბუსტერის სახით Sinovac-ის, BioNTech-ის ან Turkovac-ის ვაქცინები გაიკეთონ.
თურქეთში 18 წელზე უფროსი ასაკის ადამიანების 83%-ზე მეტი კორონავირუსის საწინააღმდეგო ვაქცინის 2 დოზითაა აცრილი, 91,6% კი - ერთი დოზით.
ცნობისთვის, თურქეთის ჯანდაცვის სამინისტროს ხელმძღვანელმა, ფაჰრეთინ კოჯამ განაცხადა, რომ სამინისტრომ კორონავირუსის საწინააღმდეგო, თურქული წარმოების ვაქცინის, Turcovac-ის გამოყენებას გადაუდებელ შემთხვევებში მხარი დაუჭირა.
კორონავირუსის საწინააღმდეგო, თურქული წარმოების ვაქცინით TURKOVAC თურქეთის ჯანდაცვის მინისტრი ფაჰრეთინ კოჯა აიცრა.
