თავში

კადრები, სადაც ხულიგნობის ფაქტია ასახული - შსს-ს ვიდეომტკიცებულება

კადრები, სადაც ხულიგნობის ფაქტია ასახული - შსს-ს ვიდეომტკიცებულება

შინაგან საქმეთა სამინისტრო კადრებს ასაჯაროებს, რომელშიც უწყების ინფორმაციით ხულიგნობის ფაქტია ასახული. 

"მაღალი საზოგადოებრივი ინტერესიდან გამომდინარე, შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც, მიმდინარე წლის 7 მაისს, აჭარის პოლიციის დეპარტამენტის თანამშრომლებმა ბათუმში 2 პირი დააკავეს, ხოლო 4 პირს წარედგინა ბრალდება, საქართველოს სისხლის სამართლის კოდექსის 239-ე მუხლით. დაკავებულები ამ დროისთვის იმყოფებიან წინასწარ პატიმრობაში.

დღეს, დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს, რომლის მსვლელობისას შეეცადნენ ცენტრალური გზის გადაკეტვას. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დაარღვევა და ძალადობრივი მეთოდებით შეეცადნენ გზის გადაკეტვას.

პოლიციის მიერ, ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის სულ დაკავებულია 30 პირი,"-ნათქვამია შსს-ს ინფორმაციაში.

შეგახსენებთ, რომ დღეს 7 მაისს დაკავებული ორი პირის გათავისუფლების მოთხოვნით ბათუმში აქცია გაიმართა, რომელიც მოგვიანებით სამართალდამცველებთან ფიზიკურ დაპირისპირებაში გადაიზარდა. ადმინისტრაციული წესით პოლიციამ 10 პირი დააკავა.  

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system