47 წლის რობიზონ თუთარაშვილი უმძიმეს მდგომარეობაში თავდამსხმელებმა იმ გზაზე დატოვეს, სადაც წლების განმავლობაში ყოველდღიურად მუშაობდა და მგზავრები მიკროავტობუსით ლენტეხი-თბილისის მიმართულებით დაჰყავდა. სამარშრუტო ტაქსის მძღოლი გამვლელებმა იპოვეს.
სამარშრუტო ტაქსის მძღოლს თანხას, სავარაუდოდ, სისტემატურად სძალავდნენ. მკვლელობის ერთ-ერთ ვერსიად სწორედ ფული სახელდება. 47 წლის თუთარაშვილი სასტიკად არის ნაცემი.
"პაციენტის მდგომარეობა მძიმეა, იმყოფება ფილტვის ხელოვნურ ვენტილაციაზე. დიაგნოზი:
- ქალა ტვინის დახურული ტრავმა;
- თავის ტვინის მრავლობითი დაჟეჟილობა;
- მწვავე სუბდურული ჰემატომა;
- ქალას ფუძის მოტხეილობა;
- გულმკერდის დახურული ტრავმა;
- სახის მრავლობითი მოტეხილობა;
- გავას მალის მოტეხილობა;
- კომა".
ეს სამედიცინო ჩანაწერი "მთავარმა არხმა" მოიპოვა.
სოფელ ჩიხურეთში სასიკვდილოდ ნაცემი 47 წლის რობინზონ თუთარაშვილი რეანიმაციულ დაწესებულებაში 5 ივნისს შეიყვანეს. ის 7 ივლისს ღამის 2-ის ნახევარზე გარდაიცვალა.
შინაგან საქმეთა სამინისტროს ინფორმაციით, გამოძიება 117-ე მუხლით დაიწყო, რაც სხეული განზრახ მძიმე დაზიანებას გულისხმობს.
