თბილისში მომხდარი მკვლელობის შესახებ ახალი დეტალები ხდება ცნობილი.
ფონიჭალაში, გურამიშვილის ქუჩაზე მოკლული მამაკაცი, 39 წლის რასიმ ისაიევია. ის საკუთარ სახლთან ჩაცხრილეს.
ვინ ესროლა ისაიევს, ამ ეტაპზე უცნობია. ერთ-ერთი ვერსიით, შესაძლოა, მომხდარი შურისძიებას უკავშირდებოდეს.
ცნობილია, რომ ახალგაზრდა მამაკაცის ძმა წლების წინ მკვლელობის ბრალდებით დააკავეს.
ვრცელდება კიდევ ერთი ვერსია, რომელიც ისაიევის ბიზნესსაქმიანობას უკავშირდება.
როგორც report.ge-ს შინაგან საქმეთა სამინისტროში განუცხადეს, საქმეზე გამოძიება სსკ-ის 108-ე განზრახ მკვლელობისა და 236-ე, ცეცხლსასროლი იარაღის მართლსაწინააღმდეგო შეძენა, შენახვა, ტარების მუხლებით მიმდინარეობს.
დანაშაული 7-დან 15 წლამდე ვადით თავისუფლების აღკვეთას ითვალისწინებს.
