ტელეკომპანია „მთავარის“ ჟურნალისტმა, ემა გოგოხიამ, რომელიც სამეგრელო - ზემო სვანეთის ბიუროს კორესპონდენტია, ნარკოდანაშაულში მხილებული ბერის სვიმონ (გიგა) ქავთარაძის ოჯახის წევრებს პოლიციაში უჩივლა.
ჟურნალისტის თქმით, მას პროფესიული უფლებამოსილების განხორციელების დროს სიტყვიერი შეურაცხყოფა მიაყენეს და მოკვლით დაემუქრნენ. ემა გოგოხია საქმის გამოძიებას ითხოვს.
ბერმონაზონ სვიმონ (გიგა) ქავთარაძეს ზუგდიდის რაიონულმა სასამართლომ დღეს აღკვეთის ღონისძიების სახით პატიმრობა მიუსაჯა.
