ევრო 2020-ის მატჩები მომავალ წელს ბაქოში გაიმართება. ამის შესახებ ინფორმაცია აზერბაიჯანის ფეხბურთის ფედერაციამ დაადასტურა. ბაქოში სულ ოთხი მატჩი ჩატარდება. აქედან სამი - "ა" ჯგუფში შემავალი თამაში, ხოლო ერთი მეოთხედფინალია.
ოფიციალური მონაცემებით, ქალაქის მზადყოფნის შესახებ დამატებითი დოკუმენტები უეფაში აპრილის ბოლოს გაიგზავნება.
ფეხბურთში ერთი წლით გადადებული ევროპის ჩემპიონატის მასპინძლობა დაადასტურეს ლონდონში, დუბლინში, ბუქარესტსა და კოპენჰაგენშიც. ევრო 2020-ის მატჩების მასპინძლობაზე ოფიციალურ თანხმობას ელოდებიან კიდევ რამდენიმე ქალაქიდან. მათ შორის ბუდაპეშტიდან, ამსტერდამიდან და გლაზგოდან.
