Mercedes-ის მრბოლელი ლუის ჰემილტონი ბაჰრეინის ტურნირს გამოტოვებს. მას კორონავირუსი დაუდასტურდა. ამის შესახებ განცხადება "ფორმულა 1-ის" "ტვიტერზე" არის განთავსებული.
"ლუის ჰემილტონი ამ შაბათ-კვირას ბაჰრეინში Sakhir Grand Prix-ს გამოტოვებს", - ნათქვამია "ფორმულა 1-ის" განცხადებაში.
მერსედესის გუნდმა ასევე აღნიშნა, რომ მრბოლელს დაავადების მსუბუქი სიმპტომები აქვს.
”ახლა ლუისი COVID-19 პროტოკოლის შესაბამისად იზოლირებულია. მსუბუქი სიმპტომებს თუ არ ჩავთვლით, მთლიანობაში ის კარგ ფორმაშია და მთელი გუნდი სწრაფ გამოჯანმრთელებას უსურვებს”, - აღნიშნულია განცხადებაში.
Sakhir Grand Prix ბაჰრეინის ავტოდრომზე 4–დან 6 დეკემბრის ჩათვლით გაიმართება. ეს არის ჩემპიონატის ბოლოსწინა რბოლა. ფინალი 13 დეკემბერს აბუ დაბიში ჩატარდება.
