ირანელ მოჭიდავეს მეჰდი ალ ჰუსეინის "ტალიონის" (სარკისებრი) პრინციპით სიკვდილით დასჯიან. ინფორმაციას ამის შესახებ გამოცემა Marca ავრცელებს.
29 წლის სპორტსმენი მკვლელობაში დამნაშავედ ცნეს. 2015 წელს მას ახალგაზრდა მამაკაცთან ჩხუბი მოუვიდა, რის შედეგად ის დაიღუპა.
ირანულმა სასამართლომ გარდაცვლილის ნათესავებს თანაბარი შურისძიების პრინციპის რეალიზაციის საშუალება მისცა. მოჭიდავეს ჩამოხრჩობა მიუსაჯეს.
ცნობისთვის, ირანში სექტემბერში კიდევ სიკვდილით ერთი მოჭიდავე ნავიდ აფქარი დასაჯეს. 2018 წელს ის ანტისამთავრობო აქციებში იღებდა მონაწილეობას.